“Një përvojë e frikshme që nuk do t’ja uronte askujt”. Kështu e përshkruan situatën që kaloi pas infektimit me koronavirus V.Kola, babai i pacientit zero.
Në një intervistë ekskluzive për emisionin “Arena” nga Dritan Hila në Rtv Ora, Kola në një lidhje telefonike nga Shërbimi Infektiv falenderoi stafin mjekësor atje për kujdesin.
Prej 10 ditësh sëbashku me të birin ndodhen të shtruar në këtë pavion. Situata shëndetësore e djalit është e qendrueshme, ndërsa ai vetë pret analizën e dytë për të konfirmuar shërimin nga koronavirusi.
Pjesë nga intervista:
Hila: Si ishte të jetoje me koronavirusin?
Kola: Të them të drejtën, e përjetova një provë që nuk ja uroj askujt kurrë. Ju them me bindje që përjetimi është më i frikshëm sesa realiteti. Më shumë është frikë, ankth që vjen nga lajmet, nga mediat.
Terapia ka qenë, që ne merrnim një herë në 12 orë ilaҫe.
Ushqimin na binin tek krevati, dhe na kanë shërbyer shum mirë, për mua janë heronj personli mjekësor.
Hila: Takoheshit me të afërmit?
Kola: Jo jo.
Hila: Keni qenë në një dhomë me djalin?
Kola: po me një dhomë.
Hila: Si është djali?
Kola: Mirë. E ka gjendjen mirë.
Ne jemi në pavion, dhe sot është e dhjeta ditë.
Hila: Cilit ishit pasojat, ҫfarë ndjenit?
Kola: Unë fillimisht para se të vinte djali kam pasur shenja, nuk e ka sjellur djali, nuk e di ku e kam marrë në Shqipëri. Djali ka ardhur shum mirë nga Italia, ai ka qëndruar me të afërm në Itali, dhe asnjëri nuk është me koronavirus, ka hipur në Firence dhe ka ardhur në Tiranë me datë 25. Nuk ka ndaluar fare. Mirëpo unë, dy ditë para tij kam pasur dhimbje koke dhe temepraturë, marrje mendësh, shtrëgim gjoksi, pastaj e ka kapur edhe djalin. Shkuam tek Spitali Amerikan për tu vizituar, dhe kishte një mjek, bëmë analizat dhe na rekomanduan infektivin për të bërë testin. Ne u treguam të sinqetë dhe morën nga telefoni 127.
Hila: Kur shkuat në Infektiv, si ju pritën?
Kola: Ne shkuam pastaj në shtëpi, erdhi zotëria që na bëri testin dhe na mori ambulanca në shtëpi, dhe më pas erdhëm në spital./ I.M-Dritare.net
