Home KRYESORE Gazetari thirrje për ndryshimin e madh në zgjedhje: Le të vendosim ne,...

Gazetari thirrje për ndryshimin e madh në zgjedhje: Le të vendosim ne, jo ambasadorët, oligarkët dhe mediat!

Nga Mentor Kikia

Një ftesë modeste për të nxitur një ndryshim të madh!

Në politikën shiptare dhe në faktin se kush do të qeverinë, ndikojnë fort 3 faktorë:

1-Ndërkombëtarët, ambasadat dhe të dërguarit e posaçëm.

2-Oligarkët, ata që e financojnë politikën dhe më pas edhe e diktojnë atë. Ata ndikojnë edhe përmes blerjes së votës, në forma të ndryshme.

3-Mediat, të cilët sipas preferencave, i japin hapësirë dhe ndikojnë në përpunimin e opinionit publik.

Ky është një problem i përbotshëm, por në Shqipëri, është kaq agresiv, se roli i votës është zbehur fare.

Unë kam një propozim: Po sikur të fillojmë ta ndryshojmë këtë realitet?
Por sikur të vendosim ne se kush do të qeverisë, dhe jo ekrani i televizorit, diplomatët e huaj apo paratë e oligarkëve?

Po sikur të mos e shesim më votën, për asnjë arsye? Po sikur të mos i votojmë partitë, nëse njerëzit që na sjellin në listë nuk na pëlqejnë, apo nuk i njohim?

Që të mos mbetemi vetëm duke u akuzar e akuzuar, unë them të marrim ca përgjegjësi ne vetë. Do të doja të dija sa të gatshëm jemi për këtë? Të njohur e ta panjohur personalisht. Ndaj për të vazhduar me idenë më tej, do të doja një konfirmin për bashkëpunim.

Le ta nisim kështu: Bëjeni “Share” dhe “Like” postimin, në formë aprovimi.

Nëse bëhemi 100 mijë njerëz që për tu bashkuar në këtë ide, është një start i mrekullueshëm.

Share: