Kryetari i Bashkisë Erion Veliaj ka thënë sot se rrugica ku u vra 25-vjeçari Klodian Rasha do të mbajë emrin e tij.
Veliaj u shpreh se kjo ishte kërkesa e babait të Klodianit kur ai kishte shkuar për vizitë. Po ashtu, Veliaj foli dhe për protestën që po zhvillohet për vrasjen e 25 vjeçarit nga efektivi i policisë.
Ndërkohë, Veliaj nuk la pa sulmuar edhe opozitën, për të cilën tha se nuk e kanë hallin tek njerëzit, por tek zgjedhjet.
“Isha për vizitë atye kanë kërkuar që ti vënë asaj rrugicës emrin e djalit të tyre. Do ta kalojmë javës tjetër në këshillit bashkia. I ati tha dua të kaloj këtu dhe të paktën kur të shikoj tabelën të më duket sikur e takoj përditë. Familja që ka hall thotë dua drejtësi për hallin tim, por mos e shkatërroni qytetin. Këta nuk kanë hallin e miletit, por të zgjedhjeve. Sa herë këta shkatërrojnë me keq humbasin”, u shpreh Veliaj./ Opinion.al
