Top Channel ka siguruar foton ekskluzive nga momenti i vrasjes së Pjerin Xhuvanit.
Burime për Top Channel bëjnë me dije se personi që qëlloi është Arber Papleka, një nga shoqëruesit e demokratit Gazmend Bardhi, i cili është konfliktuar me policët dhe ka qëlluar në turmë.
Si pasojë ai ka vrarë Xhuvanin, dhe ka plagosur dy të tjerë. Një police si dhe nipin e Xhuvanit, i cili është në gjendje të rëndë.
Autori është tashmë në pranga.
![](https://top-channel.tv/wp-content/uploads/2021/04/okkkk.jpg)
AUTORI Arbër Papleka
Informacionet paraprake thonë se ngjarja ka ndodhur pranë zyrave të PD në Elbasan. Ndërkohë që vetëm pak më parë është larguar nga vendngjarja Gazmend Bardhi i PD.
Ndërkohë që sipas PD një mjet kishte nisur të qarkullonte në zonë dhe ofronte para në këmbim të votave. Ky dyshohet të ketë qenë edhe shkaku i ekzekutimit të tij.
![](https://top-channel.tv/wp-content/uploads/2021/04/unnamed-7.jpg)
Viktima, Pjerin Xhuvani
Nga ngjarja është plagosur dhe një police, Xhensila Sota e cila ishte rastësisht në zonë.
Viktima nuk është një emër i panjohur, pasi ai është përfolur edhe në sherrin e ditës së verës. Pjerin Xhuvanin ishte i përshirë në përplasjen në Elbasan, Ditën e Verës, mes militantëve të PS dhe PD. Në atë kohë opozita akuzoi mbështetësit e Ramës që dhunuan qytetarët ishin eksponentë të krimit të organizuar dhe se atë ditë ishin edhe të armatosur. Xhuvani ka qenë dhe ish kryetar i LSI-së.
Kjo ngjarje e rëndë ndodh vetëm pak ditë para zgjedhjeve.FOTO GALERI4/8
![](https://top-channel.tv/wp-content/uploads/2021/04/Screenshot_18-8.jpg)
Top Channel