Home KRYESORE Gishtin mbi zemër! Nga Inida Brahimi

Gishtin mbi zemër! Nga Inida Brahimi

Qysh nga errësira e kohës
Do të doja të shkatërroja botën
Për të ndërtuar timen
Gjemëni një pasqyrë ku të sodis imazhin tim të dikurshëm ,
Imazhin tim të tanishëm
Një pasqyrë të pathyer….

Shoh ëndërr ?
A është në gjendje kjo ëndërr e shformët të diktojë një barazi të pranueshme mes dy epokave të ndryshme në një jetë të vetme ?
Oh…dëshira të pathëna në një teatër sentimental …
Gishtin mbi zemër
Çelësi në bravë !

Më ledhaton një frymë e këputur
Që shpejt më braktis si parfum
A jam gjallë ?
Tekembramja çdo gjë është braktisje
Qielli e lë detin
Gjethi e lë degën
E kështu me rradhë …

Ndërrohen stinët;
Kaltërsia rrëzëitëse e palëndë
Faqja e lakuriqtë e një muri qorr
Thuhet se vetëm mjellmat nuk tradhëtojnë
Dhe një amebë e rrallë
Vetëm ato nuk braktisin
Më gjeni një pasqyrë të pathyer
Të shoh veten përballë !
Në zemër gishtin
Çelësi në bravë !

Inida Brahimi

Share: