Home Gjeo-Ekonomia Bazë detare e fjalës së fundit e NATO-s në Shqipëri, Rama zbulon...

Bazë detare e fjalës së fundit e NATO-s në Shqipëri, Rama zbulon projektin e ri

Kryeministri Edi Rama, gjatë fjalës së tij ka zbuluar se është duke u punuar për të pasur një bazë detare të NATO-s në Shqipëri. Rama tha se idetë do i shpalosen Komandantit të Komandës Operacionale të NATO-s, Gjeneral, Tod Daniel Ëolters.

“Fakti që kam pasur mundësi të takohem me gjeneralin, të flas me të, ta dëgjoj atë më ka bërë të ndihem shumë i inkurajuar në fjalët e tij kur më tha “mund të jeni një vend i vogël, e keni një ushtri të vogël, por mund të gjen vendin tuaj duke krijuar vlerë të shtuar për të gjithë aleancën”.

Kjo është ajo çfarë më frymëzoi për t’i ndarë këto fjalë me ministrin, me shefin e Shtabit, me njerëz të tjerë e na bëri të ulemi e të mendojmë më thellë se si mund të arrijmë deri aty.

Kemi disa ide të mira e çka është më me rëndësi kemi disa miq të mirë. Jemi shumë besimplotë sot që mund të gjejmë vërtet vendin tonë për të qenë vlerë e shtuar në këtë aleancë.

E lashë për këtë moment që t’i them gjeneralit që nesër do kemi mundësi t’i tregojmë disa prej ideve e në këto kohë mjaft specifike, të rrezikshme besoj që ai sërish do konsiderojë për të pasur një bazë detare të fjalës së fundit të NATO-s në Shqipëri. Na takon ne që t’i paraqesim projektin atij e t’i tregojmë atë për çka kemi punuar e më pas ai më pas që prej fillimit do jetë avokati e mbështetësi i kësaj ideje”,-tha Rama.

Share: