Nga Genc Mlloja
Jo se tha ndonje gje te re, por ashpersia me te cilen kryeministri i Spanjes Pedro Sanchez deklaroi ne krah te presidentit serb Aleksander Vucic se vendi i tij do te jete gjithmone me Serbine ne mbeshtetje te sovranitetit e teresise se saj territorial dhe se nuk do ta njoh asnjehere Kosoven pershkohej nga fryma arrogante e nje udheheqesi te nje vendi me nje te kaluar te zeze kolonialiste, inkuizioniste e fashiste.
Edhe njehere Spanja, nje vend qe cuditerisht e dallojne si nder me te rendesishmit ne Bashkimin Europian, me egersi i transmetoi popullit shqiptar te Kosoves mesazhin se ai nuk ka te ardhme jashte Serbise, se vendi i tij eshte plotesisht pjese serbe ne te gjitha aspektet.
Me armiqesor behet ky kumt i zi nga kryeministri i nje vendi i rrjeshtuar ne frontin anti-shqiptar te Kosoves me kater vende te tjera te BE-se (Greqia, Rumania, Sllovakia dhe Qipro) kur e rikonfimon kete shantazh ne Beograd, ne krah te Vucicit, ne shtepine e ketij te fundit i njollosur si zbatues i genocidit serb kunder popullit shqipetar ne krah te ‘kasapit te Ballkanit’ Slobodan Milosevic.
Dhe me tej per ti vene vulen e ‘vellazerimit’ spanjollo-serb Sanchez i quajti “fantastike” marrëdhëniet politike midis dy vendeve.
Kjo eshte e drejta e tyre sikurse nuk ka asgje per tu habitur ne harene e Vucicit nga ky demonstrim spanjoll i mbeshtetjes se planit te tij te ripushtimit te Kosoves ne kuader te asaj qe deklaroi Sanchez: zbatim i parimit te se drejtës ndërkombëtare dhe sovranitetit dhe integritetit territorial. “Spanja do të jetë gjithmonë me Serbinë në respektimin e këtyre parimeve”.
Gjithmone Spanjen dhe Serbine, vec te tjerash, i ka lidhur e kaluara e tyre historike jo vetem si vende pushtuese por edhe si nder genocidest me mizor ne historine e njerezimit. ‘Shenjtorja’ Spanje i ka duart e lyera me gjak te popujve, qe kane qene pre e pushtimit te saj dhe ‘lavdia’ mizore e asaj kohe mizore levrin ne mendjen e klases politike e segmente te caktuar te popullsise se kesai ish- fuqie kolonialiste e fashiste.
Ne territor tjeter gjeografik ‘kasapet serbe’ te Ballkanit jane famekeq per krimet e njejta kunder njerezimit te kryera ne periudha te ndryshme ndaj tere popujve ballkanas dhe etja per gjak nuk i ndal qe te shantazhojne egersisht shqiptaret e Kosoves, si edhe te krahines se Presheves. ‘I lidh gjaku’, e thot mire nje shprehje popullore. E nga cfare u mesua publikisht, se pazaret e prapaskenes se erret nuk dihen, vizita e bisedimet e deklaratat ishin nje fuqizim i kesaj lidhje gjaku prej mizori, dhe e trimerojne Vucicin i cili ka arritur deri ne ate cak saqe te kercenoje se pa hequr kryeministrin Albin Kurti nga posti nuk ka dialog me Kosoven.
E meqe u permend dialogu Sanchez nuk kishte se pse te fliste shume se per te Beogradi eshte ne te drejten e tij dhe bisedimet me Prishtinen te ndermjetesuara nga BE-ja jane te kota. Sipas deshires se tij, Serbia duhet te ishte me kohe anetare e BE-se edhe pse Vucic tallet me Brukselin lidhur me sanksionet kunder Rusise si ndeshkim per pushtimin e Ukraines.
Keshtu kryeministri spanjoll shkon ne vendet e tjera te Ballkanit Perendimor me kapitullin e mbyllur per Kosoven qe nenkupton ripushtim te saj nga Serbia dhe perjashtim nga enderra evropiane.
Sigurisht qe per pjesen dermuese te vendeve te rajonit pak rendesi kane bemat e Sanchezit ne Beograd lidhur me Kosoven, megjithese ndonje eshte realisht I kercenuar prej tij. Keshtu kane ardhur punet qe fantazma e Botes Serbe te beje te dridhen tere vendet e rajonit…
Por, cuditerisht, edhe Tiranes zyrtare, e as propogandes se kontrolluar nga Kryeministri Edi Rama, nuk i ka interesuar aspak shantazhimi i popullit shqiptar te Kosoves nderkombetarisht. Rama nuk mund te perzihej ne grindjen e ‘vellait’ Vucic me fqinjet kosovare. Domosdoshmerisht ai ka pergezuar Vucicin qe e beri Spanjen te rikonfirmoje mbeshtetje per Ballkanin e Hapur.
E kjo do te jete velloja e gezimit ne qendrimin e Sanchezit ne Tirane. Sigurisht do te kete propagande me tonelata per fillimin e bisedimeve me BE-ne, do te lartesohet roli ne kete hap i Spanjes, e cila, ne fakt, eshte e lumtur qe Ballkani Perendimor eshte i percare deri ne ate mase saqe as e vrasin mendjen qe nje vend si Kosovo eshte nen kercenimin serb.
Mulliri do te xhiroje bosh per bashkepunimin ekonomik e tregtar midis Shqiperise e Spanjes se shifrat tregojne per nje histori fatkeqe ne kete aspekt historikisht, kurse slloganet per ‘shkelqimin’ e marredhenieve politike dypaleshe do te derdhen lume.
Por ka ndodhur nje gje se Rama kete rradhe nuk do t’mund t’ia kaloj ne shkelqim Vucicit i cili tregonte në profilin e tij në Instagram një foto nga darka e organizuar për nder të kryeministrit spanjoll, ku këngëtarja serbe Jelena Tomasevic interpretoi këngën “Oro” në spanjisht. “Jelena Tomasevici jone i këndoi (Sanchezit) këngën ‘Oro’ në spanjisht, e cila dha një ton të veçantë në këtë mbrëmje”, shkruante Vucic.
Megjithate nje dhurate kryeministri spanjoll e ka marre qe tani nga Tirana zyrtare: ai vazhdon te jete i mirepritur nga qeveria shqiptare edhe pse kreu i qeverise se Madridit na i ‘pushkatoi’ vellezerit shqiptare te Kosoves gjate vizites ne Beograd duke mbeshtetur marrezisht serbomedhejt vuciciane pasues te Milloshevicit per ripushtimin e Kosoves e duke ua prere rruget drejt Europes sepse, sipas pinjollit spanjoll te kryqazatave e inkuizionit e fashizmit, cdo rruge e Prishtines duhet te kaloje nga Beogradi.
Heshtje varri ne Tirane per kryqezaten serbo-spanjolle kunder Kosoves e popullit shqipetar, syte e goja e mbyllur e qeveritareve e diplomacise shqiptare qe duket e mbajne kot ate vend ne Keshillin e Sigurimit. Sa shume kane pritur shqipetaret kosovare… por me kot!
Po ata nuk jane ligeshtuar edhe ne kohe me te errta dhe nuk bejne habi nga veprimet apo mosveprimet e Tiranes zyrtare kur eshte ne mes ‘vellai i madh’ Vucic. Kosovo ka mbeshtetjen nderkombetare dhe shume politikane, diplomate e analiste nderkombetare e rajonale nuk ngurojne, nuk lodhen t’ia rikujtojne kujtdo se Kosova eshte vend i pavarur dhe sovran.
“Kosova është shtet sovran. Po ashtu ai ka të drejta ligjore të vendosë vetë nëse do të marrë pjesë në ‘Ballkanin e Hapur’ apo jo. Nuk mendoj se mund të hiqet kryeministri i Kosovës (Albin Kurti); ai është zgjedhur nga populli i Kosovës në zgjedhje dhe ka obligime ndaj Kushtetutës së Kosovës. Është më se e qartë se kryeministri (Edi) Rama dhe presidenti (Aleksander) Vucic kanë një bashkëpunim më të ngushtë, Ballkani i Hapur, por kam lexuar diku edhe se ata e quajnë njëri-tjetrin ‘vëllezër’,” tha një diplomat i lartë në kushte anonimiteti. E me tej diplomati theksoi se askush nuk mund te heq ndonje zyrtar nga postet ne asnje shtet.
Sanchezi do te vije e do te shkoje, lavde do ti thuren kryeministrit Rama ne Tirane dhe nje i vecante lavderim do te jete nga kryeministri spanjoll, qe ai nuk ‘perzihet’ ne histerine pushtuese te Vucicit serb ndaj popullit shqipetar te Kosoves!
