Home Gjeo-Ekonomia Bjellorusia: Do i presim armët bërthamore ruse për të kundërshtuar NATO-n dhe...

Bjellorusia: Do i presim armët bërthamore ruse për të kundërshtuar NATO-n dhe presionin e paprecedentë të Perëndimit ndaj nesh

Bjellorusia ka konfirmuar se do të presë armë bërthamore taktike ruse në përgjigje të presionit perëndimor, duke përfshirë sanksionet dhe atë që ajo e quajti një shtim të pranisë ushtarake nga vendet anëtare të NATO-s pranë kufijve të saj.

Sipas mediave të huaja, deklarata e Ministrisë së Jashtme të Bjellorusisë ishte e para që kur presidenti rus Vladimir Putin tha të shtunën se Moska do të vendosë armë taktike bërthamore në Bjellorusi dhe do të ndërtojë një objekt për ruajtjen e armëve bërthamore atje.

Do të ishte dislokimi i parë i armëve bërthamore nga Moska jashtë kufijve të saj që nga shpërbërja e Bashkimit Sovjetik në 1991.

Ministria e Jashtme e Bjellorusisë tha se armët bërthamore të Rusisë ofronin mbrojtje ndaj asaj që e quajti një fushatë presioni nga Mbretëria e Bashkuar, SHBA dhe aleatët e tyre që synojnë përmbysjen e qeverisë së presidentit Alexander Lukashenko.

“Gjatë dy viteve e gjysmë të fundit, Republika e Bjellorusisë i është nënshtruar presionit të paprecedentë politik, ekonomik dhe informativ nga Shtetet e Bashkuara, Mbretëria e Bashkuar dhe aleatët e saj në NATO, si dhe nga shtetet anëtare të Bashkimit Evropian”, tha ministria në një deklaratë.

Minsk tha se planet ruse nuk do të bien ndesh me marrëveshjet ndërkombëtare të mospërhapjes, sepse vetë Bjellorusia nuk do të kishte kontroll mbi armët bërthamore.360grade.al

Share: