Samiti i tretë i Diasporës shqiptare që u mbajt në Tiranë më 22-23 nëntor, bëri bashkë liderat nga të gjitha trevat shqipfolëse, shqiptarët nga çdo shtet në mbarë globin. Shumë emigrantë shqiptarë që jetojnë prej vitesh në shtete të ndryshme janë angazhuar edhe në institucionet lokale dhe qëndrore me funksione drejtuese. Landi Hajazi, përfaqësues i emigracionit prej vitesh në Cremona-Itali, ishte pjesëmarrës në këtë samit. Në një intervistë për “vizion.com.al”, zoti Hajazi shpreh përshtypjet e tij për këtë samit, takimet e ndryshme dhe emocionet që mori në këtë nëntor nga Tirana, por jo vetëm.
Zoti Hajazi, ju ishit pjesëmarrës në Samitin e tretë të Diasporës shqiptare që u mbajt në Tiranë më datat 22-23 netor. Cilat ajnë përshtypjet tuaja për këtë Samit?
Përshtypjet e mia për Samitin e tretë të Diasporës shqiptare janë nga më vlerësueset, ishte super mënyra e organizimit, pritja me të vërtet për tu lavdëruar. Takimet me shumë të njohur që kishin ardhur nga Diaspora dhe jo vetëm, por dhe nga institucionet Shqiptare ishte gjëja më e çmuar. Shumë emocionuese ishtë prania e personaliteteve nga trevat shqiptare, siç ishte pjesëmarrja e Zv.kryeministrit për Politikat Ekonomike dhe Ministër i Zhvillimit Ekonomik i Malit të Zi, Nik Gjeloshaj, kryetari i Komunës së Preshevës, Shqiprim Arifi, Kryeministri në detyrë i Malit të Zi, Dritan Abazoviç, politikanë shqiptarë nga Kosova, Kryetar i Bashkimit Demokratik për Integrim në Maqedoninë e Veriut, Ali Ahmeti, si edhe prania e Mark Gjonaj, i cili aktualisht mban postin e kryetarit të Këshillit Koordinues të Diasporës në SHBA. Por të rëndësishte ishin mesazhet që u përcollën nga liderët shqiptarë të të gjitha trojeve në këtë samit, thirrja për bashkëpunim mes shqiptarëve, për rrugën e përbashkët euroipan, për sfidat e së tashmes dhe të ardhmes. Idetë tona janë të qarta, për t’i paraqitur pranë institucioneve përkatëse me kërkesë sipas objektivave që kemi gjithësecili prej nesh.
Na tregoni emocionet dhe ndjesitë tuaja për Tiranën, ku vizituat disa vende, apo dhe Vlorën, në të cilën patët takime pune?
Për ato vende që kisha mundësi të vizitoja në Tiranë, për shkak të angazhimeve të shumta, ndjeva emocione të papërshkrueshme, për të gjithë transformimin që kryeqyteti ka nga viti në vit. Tirana ishte bërë super, kaluar Evropës, një qytet ku zhvillimi bëhet me vizion. Pata mundësinë të vizitoja dhe qytetin tim Vlorën. Vlora qyteti ynë i bukur, qyteti i Flamurit, ku ndihej nqë çdo cep dhe në çdo frymëmarrje ardhja e festave të nëntorit, dhe ku flamuri valëvitej në çdo cep, në çdo rrugë, në çdo dritare.
Ndërkohë zhvillova dhe disa takime pune, duke dëgjuar problematikat e njerëzve në nevojë dhe për tu dhënë zgjidhje rasteve më shumë urgjente… Një kocidencë në fshatin e lindjes ku shkova për pak minuta dhe u gjenda në rastësinë e festës së Shkollës “Hamdi Rrapi” Gjorm Vlorë. Sa bukur ishte të shikoje fëmijët që këndonin e kërcenin këngët më të bukura patriotike. Aty njoha dhe Klarën, vajzën që ben mrekullira me pikturat e saj..
Shqiptarët sapo festuan 111 vjetorin e Pavarësisë së Shqipërisë. 28-29 nëntori festohen kudo ku ka shqiptarë, si organizohen dhe si përjetohen këto festa në rajonin ku ju jetoni?
Këtu festat organizohen në mënyrë perfekte. Përjetohen me gëzim, harmoni dhe emocione nga të gjithë. Për ne shqiptarët që jetojmë dhe punojmë prej vitesh larg vendit tonë, ndjenja kombëtare është e fortë, malli për ardheun, për tokën tonë, për njerezit tanë është shumë e madhe.
Në Itali, së bashku me shkollat shqipe dhe shoqatat shqiptare, ju keni bërë një punë e shkëlqyer për ruajtjen e gjuhës shqipe dhe identitetit kombëtar. Mund të na tregoni më shumë lidhur me këtë bashkëpunim mes jush?
Në 2017 kur jam votuar në Këshillin e Emigrantëve kisha programin ku pikat kryesore ishin Pensionet, Votat , kursi i gjuhës shqipe. Në bashkëpunim me shoqatat e tjera dhe me lidhjen e mësuesve po japim kontributin me vullnet të lirë për ruajtjen e kulturës, traditës dhe të gjuhës më të bukur në botë, gjuhës shqiptare.
