Në vitet ’80, Ivana Spagna pati deklaruar vetë:
“Një këngëtare italiane, që quhet Spagna dhe që këndon anglisht, s’ka për të pasur kurrë sukses!”
🎼 📺 🎧 🎤 👩🎤
Nga Adela Kolea
Një nga këngëtaret italiane të muzikës Dance, më të njohura në botë në vitet ’80-’90.
Në Amerikë, ku jetoi disa vite, në Los Angeles, shihej si rivale ose si trashëgimtare e Madonna-s.
Lindur në Valeggio sul Mincio në Verona, krahina Veneto, më 16 dhjetor 1954.
Vjen nga një familje jo e varfër por, shumë e varfër.
As Krishtlindjet nuk do t’i kishim festuar ndonjëherë në fëmijëri – deklaron – nëse të afërmit nuk do të na sillnin kush një gjel, kush një ëmbëlsirë, pandoro.
Por, dashuria e prindërve, asaj e vëllait s’i mungoi kurrë.
Prindërit bënë shumë sakrifica, që Ivana të realizonte ëndrrën si artiste.
Babai e shoqëronte nëpër audicione e konkurse muzikore që kur Ivana ishte adoleshente.
Madje, babai i saj kishte një autoveturë të blerë të përdorur, të vjetër, të dorës së tretë e që e furnizonte me 3 mijë lireta benzinë.
Por, benzinën nuk e paguante direkt, se s’kishte lekë, ashtu si edhe ushqimet.
I shënonin në bllok tregtarët e ata kalonin të paguanin më pas.
Një ditë, kur babai po e shoqëronte në një konkurs muzike, i lë makina në rrugë, se mbaron benzina.
Atëherë kaloi një motoçiklist që i ofroi ndihmë, ai shoqëroi Ivanën në atë konkurs, në të cilin ajo pati edhe sukses dhe sot,- pohon këngëtarja – do të kisha dëshiruar ta takoja e ta falënderoja publikisht atë motoçiklist.
Karrierën muzikore e nis që në vitet ’70.
Më tej, ndër shumë hit-e që e çojnë në majat e klasifikimeve evropiane si në Francë, Gjermani etj, përveç Italisë, kënga që i dha më tepër famë, qe ajo “Easy Lady.”
Pohon se ka kryer dy ndërhyrje estetike:
njëri për hundën, se e kishte shumë të madhe, si “elefant”- thotë – e i krijonte shumë komplekse, nuk dilte pa vënë syze të mëdha për t’u maskuar, ndaj prindërit hynë në borxhe kur Ivana ishte 16 vjeçe, për të operuar hundën.
Ka bërë edhe dhëmbët – pohon – se i kisha si dhëmbë lepuri.
Nuk është e martuar.
Karriera e saj vazhdon ende me sukses…
