David Cameron është takuar me Donald Trump në mes të përpjekjeve për të rritur mbështetjen e Ukrainës. Në Uashington, sekretari i jashtëm britanik do t’u kërkojë udhëheqësve të kongresit të miratojnë ndihmën për Kievin në luftën e tij kundër Rusisë
“Përpara vizitës së tij në Uashington, sekretari i jashtëm do të takohet me ish-presidentin Trump sot në Florida. Është praktikë standarde që ministrat të takohen me kandidatët e opozitës si pjesë e angazhimit të tyre rutinë ndërkombëtar”, tha në një deklaratë të hënën, një zëdhënës i Zyrës së Jashtme.
Takimi i Cameron me kandidatin e supozuar republikan presidencial, është takimi i parë i tillë nga një ministër i lartë i Mbretërisë së Bashkuar.
Trump ka shprehur vazhdimisht dyshime për ndihmën për Ukrainën dhe ka vënë në pikëpyetje angazhimin e Amerikës ndaj NATO-s, aleancës ndërkombëtare të cilën SHBA-ja është zotuar ta mbrojë kur është e nevojshme.
Në vizitën e tij në Uashington, Cameron do të paralajmërojë se suksesi i Kievit në mposhtjen e Rusisë është “jetik për sigurinë amerikane dhe europiane” pasi pritet tu kërkojë ligjvënësve të miratojnë ndihmën e mëtejshme “urgjente” për vendin.
360grade.al
