Një model inspirues për edukimin dhe orientimin profesional të të rinjve
Klinika “Krasniqi” shembull i përkrahjes së edukimit profesional të të rinjve
Prof. Dr. Dr. Halil Krasniqi, expert i shëndetësisë
Në Gjermani, Girls’ and Boys’ Day është një ditë kombëtare e cila organizohet çdo vit dhe ka për qëllim të orientojë nxënësit e shkollave drejt profesioneve të së ardhmes, duke thyer barrierat gjinore dhe promovuar barazinë në tregun e punës. Kjo ditë mbështetet nga Ministria për arsim dhe kërkim, Ministria për çështjet familjare, si dhe nga shumë institucione shtetërore dhe kompani private.
Përmes një platforme online kombëtare, nxënësit dhe prindërit mund të regjistrohen dhe të zgjedhin vendet e disponueshme për vizitë në zonën e tyre. Kompanitë pjesëmarrëse ofrojnë programe edukative dhe prezantime praktike për fëmijët gjatë gjithë ditës.
Ky model meriton të promovohet edhe në kosovë, Shqipëri dhe trojet shqiptare si një praktikë që forcon të ardhmen e fëmijëve tanë.
Në kuadër të Girls’ and Boys’ Day në Gjermani, një dite të dedikuar edukimit dhe orientimit profesional të të rinjve, Klinika “Krasniqi” është shndërruar në një nga shtyllat e përkrahjes së këtij misioni. Përmes pjesëmarrjes aktive dhe përkushtimit të vazhdueshëm në edukimin shëndetësor dhe shkencor, kjo klinikë kontribuon rregullisht në ngritjen e vetëdijes, informimit dhe përgatitjes së brezit të ri në Gjermani.
Klinika “Krasniqi”, nën drejtimin e Prof. Dr. Dr. Halil Krasniqi, luan një rol të rëndësishëm jo vetëm në trajtimin cilësor të pacientëve, por edhe në edukimin e brezit të ri të profesionistëve të shëndetit në Specijalizime te kirurgëve apo studenteve të mjekësisë dhe gjithashtu brezave të ri shkollor. Prof. Krasniqi shpreh dëshirën dhe angazhimin që një ditë e tillë edukative dhe profesionale të përfshihet edhe në planprogramet arsimore dhe shkencore të sistemit shkollor në Kosovë, si një model i vlefshëm që duhet ndjekur.
Përfshirja aktive e nxënëseve të shkëlqyera
Këtë vit, në kuadër të aktiviteteve të organizuara për Girls’ and Boys’ Day, Klinika “Krasniqi” mirëpriti disa nxënëse gjimnaziste të dalluara, nën kujdesin dhe mbikëqyrjen e vetë Prof. Krasniqit dhe stafit të Klinikës:
Sofie, nxënëse e Theodor-Heuss-Gymnasium, Emma, nxënëse në Hilda-Gymnasium, Emelie, gjithashtu nga Theodor-Heuss-Gymnasium, Tabea, nxënëse e po të njëjtit gjimnaz si dhe Lea nxënëse e shkelqyer.
Të gjitha vajzat janë nxënëse të shkëlqyera me dëshirën që në të ardhmen të ndjekin studimet në mjekësi.
Një ditë me pacientët – një përvojë frymëzuese
Me moton “Një ditë me pacientët”, Klinika “Krasniqi” u ofroi këtyre të rejave një përvojë të veçantë dhe të vlefshme:
• Njohje me anamnezën e pacientëve, auskultimin e organëve, shqyrtimin e simptomave dhe sëmundjeve
• Diskutim mbi diagnostikën, indikacionet për trajtim kirurgjik, ndërhyrës apo konservativ
• Mundësinë për të asistuar në sallën e operacionit
• Përcjellje të pacientëve në reanimacion dhe rikuperim
Të gjitha nxënëset u shprehën të lumtura, të motivuara dhe të entuziazmuara nga përvoja direkte me profesionin e mjekut dhe puna e përditshme në klinikë. Ky kontakt i drejtpërdrejtë me praktikën mjekësore forcoi edhe më shumë dëshirën e tyre për të ndjekur rrugën e mjekësisë në të ardhmen.
Girls’ and Boys’ Day në Gjermani është një model i suksesshëm i edukimit profesional të hershëm, që jo vetëm ndihmon të rinjtë të zgjedhin karrierën që duan, por edhe ndikon drejtpërdrejt në ndërtimin e një shoqërie më të barabartë dhe më të informuar.
Klinika “Krasniqi” vazhdon të jetë një shembull i angazhimit për edukim, përkrahje të institucioneve shkencore dhe ngritje të vetëdijes për rëndësinë e profesionit mjekësor – jo vetëm në Gjermani, por edhe si një model për shoqëritë shqiptare kudo në botë.
