Nga Bojana Fatkoja
Të bërit opozitë nuk është e thjeshtë, përkundrazi do guxim, sakrificë e mbi të gjitha ta duash e të besosh forcën politike ku aderon. Sa i përket gjykimit të formës opozita nuk e ka luksin të gjykojë mbi të, sepse është e përqëndruar në përmbajtje. Opozita kërkon dinamikë, jo të llastuar që nuk ju ka dalë ende gjumi i pushtetit.
Ata “zonja dhe zotërinj” ku një pjesë vinin nga hiçi , e të tjerë po nga pushteti ku kishin bashkë qeverisur me Nanon, ngrohën për tetë vite rradhazi kolltukët e ministrave , ku falë këtyre “kolltukëve magjikë ” u pasuruan në mënyrë të tillë që as në ëndrrat më të bukura nuk e kishin ëndërruar. Mbase kjo është arsyeja sepse ende vazhdon gjumi letargjik tek to dhe e kanë të vështirë të reagojnë në parlament apo në aksione të tjera opozitare.
Përpos që çuan në mënyrën më të turpshme në opozitë PD, me 1.000.000 shqiptarë kundra, as që mbajtën barrën e përgjegjësisë përsipër. Sot kapardisen e flasin për forma etike, ata që etikën se kanë veçse fallsitet. Intuita nuk i gënjen kur nuhasin se po i shket nga duart dhe ai pak pushtet që të jep opozita, siç është përfaqsimi i kauzave opozitare, sepse sido që të shkojnë punët pushteti është fjala kyçe.
Janë dhe të “zënë me punë” duke bërë plane e kulisa për përçarje në PD, në atë Parti ju dha shumë, dhe pse nuk kishin dhënë asnjë kontribut. Teksa shoh çdo të enjte një teatër meskin , nuk di çfarë ndiej teksa shoh apatinë e këtyre pseudo elitave , përballë atyre që vërtet përpiqen që opozita të ketë zë.
Luftën e bëjnë heronjtë, qeverisin maskarenjtë dhe përfitojnë horrat – Victor Hygo.
