Policia ka ndaluar zhvillimin e protestës së thirrur nga kreu i PD, Sali Berisha përpara kryeministrisë në datën 6 Dhjetor, ditën kur në Tiranë pritet të zhvillohet samiti BE-Ballkani Perëndimor.
Në shkresën që policia i drejton Partisë Demokratike thuhet se në kuadër të samitit në vendin e njoftuar për mbajtjen e tubimit janë marrë masa për ruajtjen e sigurisë.
Sipas policisë, zhvillimi i protestës në Bulevardin Dëshmorët e Kombit, para kryeministrisë, cënon sigurinë kombëtare dhe atë publike.
Më tej, policia thotë se garanton të drejtën e çdo qytetari për tubime paqësore në një vend jashtë perimetrit të sigurisë.
Perimetri i sigurisë i njoftuar nga policia
Bulevardi “Dëshmorët e Kombit” deri në Bulevardin “Bajram Curri” përfshirë sheshin “Nënë Tereza”.
Rruga “Gjergj Filipi” nga kryqëzimi me rrugën “Ibrahim Rrugova” deri tek kryqëzimi me rrugën “Papa Gjon Pali II”.
Rruga ” Lek Dukagjini” në gjithë gjatësinë e saj.
Rruga “Dervish Hima”, rruga “Sheh Ahmet Pazar”, rruga “Faik Konica”, rruga “Skerdilajd Llagami.
Rruga “Papa Gjon Pali II” në gjithë gjatësinë e saj, rruga Asim Zeneli, rruga “Themistokli Germenji”, rruga “Mustafa Matohiti”, rruga “Jul Variboba”, rruga Fatmir Haxhiu”.
Rruga “Ismail Qemali”, nga rruga e “Elbasanit” deri në kryqëzimin me rrugën “Ibrahim Rrugova”.
