Presidenti i Serbisë, Aleksandër Vuçiç, shkruan e gazeta gjermane, Zeit po udhëheq një politik që po minon demokracinë po dëmton Bashkimin Evropian, Ballkanin Perëndimor dhe vetë serbët.
Prandaj, shton autori i artikullit “Ashpërsia ndaj Serbisë është e vonuar”, Ulrich Ladurner, se statusi i kandidatit dhe fondet e BE-së duhet të ngrihen derisa Serbia të vendos sanksione ndaj Rusisë dhe të fillojë negociatat serioze me Kosovën.
Më tej gazetari gjerman argumenton se këto masa nuk duhen lexuar si ndëshkim i Serbisë, por çmimi që Vuçiç duhet të paguajë për politikat e tij.
Shkaqet e përkeqësimit të situatës në Veri të Kosovës, shkruan më tej gazetari gjerman, nuk janë targat ose gjëra të tjera, siç i ka quajtur ai, banale, ky është tymi, sipas tij, i cili synon të errësoj gjërat thelbësore.
Thelbi, gjithë në këtë mes, është një dështim i hapur strategjik i BE-së në rajon.
“Për shumë vite, BE-ja ka ndjekur një politikë që mund të përmblidhet në disa fjali si më poshtë: Serbia është vendi më i madh në Ballkanin Perëndimor. Pa Serbinë nuk ka stabilitet në rajon. Nëse bashkohet me Bashkimin, vendi do të zhvillojë një tërheqje të tillë nën peshën e vet, saqë do të tërhiqen edhe katër vendet e tjera të Ballkanit Perëndimor”.
Si rezultat, BE-ja ka shikuar në gishtat e Vuçiç’it për vite me radhë.
Brukseli “kryesisht në heshtje” vëzhgoi se si Vuçiç “minon sistematikisht demokracinë e brishtë serbe, dobëson shoqërinë civile, nënshtron shtypin, margjinalizon opozitën dhe kështu bëhet efektivisht një autokrat”.
“Deri më sot ai refuzon të mbështesë sanksionet e BE-së ndaj Rusisë. Kjo justifikohet me marrëdhënien gjoja të veçantë mes Serbisë dhe Rusisë, e cila nuk është gjë tjetër veçse një përrallë.
Dhe më e rëndësishmja, është që ai vazhdimisht nxit konfliktin me Kosovën për të nxjerrë kapital politik prej tij. Është një lojë e qartë, e rrezikshme. Duke vepruar kështu, ai jo vetëm që po rrezikon konflikte të dhunshme, por po bllokon edhe integrimin e Ballkanit Perëndimor në BE”.
Prandaj shton më tej gazetari, Vuçiç “reagon vetëm ndaj presionit”.
“Ju kujtohet se Serbia e ndryshoi politikën e vizave në vjeshtë kur u kërcënua nga sanksionet e Brukselit dhe Berlinit. Në atë kohë, përkatësisht, në BE u rrit numri i azilkërkuesve nga India, Tunizia dhe Burundi, të cilët udhëtonin në Beograd pa viza, e prej andej ilegalisht në BE”.
“Ndëshkimi i Serbisë – sigurisht që tingëllon i ashpër dhe keqdashës imperialist” shkruan gazetari gjerman duke shtuar se “BE-ja në veçanti mësoi vitin e kaluar, dhe jo me vullnetin e saj, se do të merret seriozisht vetëm nëse është e ashpër dhe e gatshme për të shkaktuar dhimbje te të tjerët”.
360grade.al
