Kryeministri izraelit Benjamin Netanyahu do të përballet me rifillimin e gjyqit të tij të gjatë për akuza të shumta për korrupsion, pas një pauze për shkak të luftës në Gaza.
Një gjykatë në Jerusalem do të nisë të hënën shqyrtimin e çështjes, e cila fokusohet në disa akuza për korrupsion kundër Netanyahut. Gjyqi u ndërpre nga ministri i drejtësisë i vendit pas sulmit të Hamasit ndaj Izraelit më 7 tetor.
74-vjeçari Benjamin Netanyahu akuzohet se ka pranuar dhurata të shumta me vlerë 176,000 euro.
Ai akuzohet për korrupsion, mashtrim dhe shpërdorim detyre. Nëse deklarohet fajtor për ryshfet do të dënohet deri në 10 vjet burg dhe/ose gjobë. Mashtrimi dhe shkelja e besimit dënohen me burgim deri në tre vjet.
Netanyahu tha se gjithçka që bëri ishte pranimi i dhuratave nga miqtë, dhurata që nuk i kërkoi, duke e konsideruar veten viktimë të një gjuetie shtrigash.
Gjyqi i tij, i cili filloi në vitin 2020, është i paprecedentë për një kryeministër në detyrë në Izrael.
Kryeministër nga viti 1996 në 1999 dhe më pas nga 2009 në 2021, Netanyahu u rikthye në pushtet pas një mungese të shkurtër pas zgjedhjeve të vitit 2022, kur iu desh të krijonte një koalicion qeverisës me partitë e ekstremit të djathtë izraelit për të rifituar postin e kryeministrit dhe ekstremizmin fetar.
Pas sulmit të 7 tetorit, i cili la 1200 njerëz të vdekur dhe dhjetëra të marrë peng, Netanyahu u akuzua nga opozita se nuk arriti të parandalonte një sulm të paprecedentë nga Hamasi dhe u detyrua të formonte një qeveri emergjente me rivalin e tij politikan Benny Gantz.
Të dy janë zotuar të shkatërrojnë Hamasin dhe për këtë qëllim po udhëheqin një fushatë shkatërruese lufte në Rripin e Gazës që ka lënë 15,500 të vdekur dhe 41,300 të plagosur, sipas ministrisë së shëndetësisë së Hamasit.
Politikanët pranë Netanyahut kanë kritikuar rifillimin e seancave në kohë lufte, të cilat de fakto do të kufizohen nga mungesa e dëshmitarëve apo avokatëve të regjistruar.
360grade.al
