Presidentja e Kosovës, Vjosa Osmani, ka takuar sot në Bruksel presidenten e Komisionit Evropian, Ursula von der Leyen, me të cilën ka biseduar për heqjen e masave të vendosura nga ana e BE-së ndaj Kosovës.
Osmani, përmes një postimi në Facebook, ka thënë se mirëpret “Planin e Rritjes”, të prezantuar nga Von der Leyen për Kosovën.
“Në takim me Presidenten e Komisionit Evropian, Ursula von der Leyen në Bruksel, ritheksova nevojën e heqjes së masave të BE-së ndaj Kosovës, derisa potencova rëndësinë e dhënies së statusit të vendit kandidat për anëtarësim të BE-së, si sinjal i qartë që vendet demokratike, liridashëse dhe të përkushtuara ndaj vlerave evropiane e kanë vendin në BE.Mirëpresim ‘Planin e Rritjes’, të prezantuar nga Presidentja Von der Leyen, për të cilin Kosova tashmë ka prezentuar planin konkret për reforma.”, shkroi Osmani.
360grade.al
