Zëvendësministrja e Brendshme Rovena Voda ka zbuluar në emisionin ‘Repolitix’ në Report Tv se zv/ ministri Julian Hodaj do të drejtojë grupin e punës për Vettingun në Policinë e Shtetit.
“Vettingu është një nga prioritetet kryesore, skanim i të gjithë policisë. Është ngritur grupi i punës, e udhëheq njëri nga zv/ ministrat, Julian Hodaj do të drejtojë procesin e Vettingut” deklaro ajo.
Rovena Voda deklaroi se do të largohen të gjithë punonjësit e policisë së shtetit që janë të inkriminuar dhe të korruptuar.
Ministri Xhafaj pak javë më parë paralajmëroi se në Shqipëri do të vijë edhe një grup nga FBI që do të asistojnë për procesin e Vettingut, ndërsa do të përdoret edhe testi poligrafik.
