Kryeministri Edi Rama është ndalur ditën e sotme në qytetin e Lezhës për fushatën e llogaridhënies publike para qytetarëve, i cili preku një çështje të nxhetë të abuzimit me pronat në këtë qytet; ku ka edhe një dosje të hapur hetimore.
Rama paralajmëroi gjithashtu se pas vettingut do të vijë radha e llogaridhënies së gjyqtarëve e prokurorëve dhe politikanëve, nga një sistem i pastruar.
Kryeministri: Se këtu në Lezhë ka një cështje pronash të hapur. Në atë cështje të hapur s’janë vetëm ata që akuzohen por edhe gjykatës dhe prokurorë të cilët kanë marrë pjesë në ato krime, apo jo se gjithë ato prona futu këtej e dil andej, futu në gjykatë me letra false e dil pronarë me dhjetra hektare janë bërë në bashkëpunim me gjykatësit s’janë bërë vetëm.
Sikur reforma në drejtësi që bëhet sot të ishte bërë 20 e ca vite më parë s’do kishim ardhur sot në ditën që njerëzit të thoshin të gjithë politikanët janë hajdutë e s’po shkon njeri në burg.
Po si të shkojë, ku të shkojë, ta cojnë gjykatësit që janë vënë atje pikërisht për të mos cuar në burg ata që i kanë vënë dhe pastaj me atë imunitet që është më i fortë se imunieti i cdo deputeti bëjnë ca të duan nga ana tjetër?
Pse ky ishte vettingu? Jo jo, nuk është ashtu fare, është për të pastruar sistemin dhe ai sistem i pastruar do merret me të gjithë pastaj nga më i gjati tek më i shkurtri nuk diskutohet.
Të ndërtosh shtet s’është si të bësh ndërtim pa leje.
Ne morëm rekomandimin, kush mund ta merrte tjetër, asnjë, lëre ca thonë e kishim gati e na penguan, këto janë përralla. Po reformën në drejtësi e vettiungun kush mund ta bënte tjetër? Askush. Ne kemi marrë rekomandimin dhe kemi hapur rrugën për pastrimin e sistemit të drejtësisë.
Ata prokurorë e gjykatës që sot janë përjashtuar do vinte dita që do ngeleshin rrugëve dhe rrinë duke u lutur që o Zot ishalla s’po vijnë të më thërrasin, se do vijë dhe dita për gjykatës e politikanë, kujt ja priste mendja që do ndodhte kjo? Ja u bë realitet, ne nuk po bëjmë shaka e lojë, po përpiqemi të bëjme shtet dhe të vendosim gurët në vendin e tyre që muri që ndërtojmë mos jetë si në të shkuarën, ndërto ditën e prish natën./opinion.al
