Një xhami në Prishtinë është bërë vatër e prostitucionit dhe drogës. Kështu ka thënë përfaqësuesi i imamëve të Prishtinës, Idriz Gjigolli, në takimin të ministrit të Punëve të Brendshme, Skender Hyseni me forumet lokale të sigurisë në Prishtinë, ku është diskutuar për sigurinë në vend.
Rexhep Sijarina nga Policia e Kosovës ka thënë se policia ka marrë telefonata dhe se aty kanë hasur në raste të narkomanëve dhe të prostitucionit. Sipas tij, policia ka dalë në vendin e ngjarjes dhe në disa raste ka takuar persona të tillë. Kjo xhami nuk është funksionale, pasi është në rinkonstruksion. Nuk është bërë e ditur se për cilën xhami saktësisht është fjala, raporton Gazeta Express.
