Një avion që ishte nisur nga Brukseli me destinacion Maltën është detyruar të ulet në Pisa në Itali, pasi në bord shpërtheu një sherr mes pasagjerëve.
Ndërhyrja e personalit të avionit për të shuar konfliktin rezultoi e pasuksesshme, çka detyroi pilotin të bënte ulje në aeroportin e Pisas, ku policia arrestoi katër pasagjerët e përfshirë në sherr.
Shkaqet e sherrit nuk dihen ende, por e gjithë ngjarja u filmua me celular nga pasagjerët e tjerë, dhe tashmë videoja po bën xhiron e botës në internet./360grade.al
