Ish ministri i Brendshëm Saimir Tahiri dhe njëkohësisht kreu i PS-së për Tiranën ka sulmuar edhe sot LSI-në. Kreu i PS-së së Tiranës e cilëson LSI-në si partiçkë që korrupton rininë me teza provimesh e punë sa për fushatë. Por ai thotë se ky është korruptim i së ardhmes.
“Nëqoftëse voton për herë të parë, voto për shkollë e punë sipas meritës, jo partiçka që korruptojnë rininë me teza provimesh e punë sa për fushatë. Nëqoftëse të premtojnë shkollë qyl, sapo të kanë korruptuar të ardhmen. Nëqoftëse të premtojnë punë në këmbim të votës, sapo të kanë vjedhur të ardhmen ty e mijëra të rinjve që atë vend pune e meritojnë pa teserë partie në xhep. Në 25 voto #pershqiperineqeduam”, – shkruan Saimir Tahiri.
