Shqipëria ka regjistruar dy raste me koronavirus, të cilët atë e bir, të moshës 54 dhe 28 vjeç. Sipas informacioneve, ka qenë 28-vjeçari i ardhur nga Firence i cili ka infektuar babain e tij.
I riu është futur në Shqipëri përmes pikës Kufitare në Muriqan, ndërsa më herët ministri e Shëndetësisë deklaroi se 28-vjeçari kishte kaluar nga Hani i Hotit.
Lidhur me rastin, ka folur për mediat nga pika kufitare, mjekja Dhurata Hysi. Ajo deklaron se i riu i prekur nga koronavirirusi ka hyrë në Shqipëri më 26 shkurt, pa u kontrolluar.
Mjekja sqaroi se ai është futur në kufi pa u kontrolluar, për shkak se vinte nga Firence, e cila ishte një zonë e paprekur ende nga virusi vdekjeprurës në Itali.
“Djali hyri më datë 26, në orën 00:40 të natës. Nuk është kontrolluar, pasi Firence nuk ka qenë në zonën e kuqe, nuk ka pasur asnjë rast të konfirmuar atje. Ne kishim prioritet zonat e prekura në Itali dhe Kinë. Ka ditë që kontrollohen të gjithë personat nga Italia, por pas datës 26, më parë vetëm ata që vinin nga zonat e prekura. Nuk di ç’të them për të atin. Lista është vetëm djali. Qytetarët që vijnë në kufi nuk kanë maska, vetëm një italian kishte. Listat me të prekur në Itali ndryshonin nga dita në ditë, ndaj ne e kemi marrë vetë informacionin. Në fazën fillestare nuk kuptohet virusi te qytetarët. Është e rëndësishme vetëkarantimi, të gjithë personat për t’u ruajtur duhet të qëndrojnë në shtëpi. Virusi transmetohet te të tjerët”, tha mjekja./ Opinion.al
