Çarja e tokës si pasojë e tërmetit ka shkuar në rreth 400 kilometra. Kjo bazuar në pamjet që kanë ofruar mediat turke katër ditë pas fatkeqësisë natyrore.
Tërmeti me magnitudë 7.8 pati epiqendrën në qytetin Kahramanmarash dhe shkatërroi 10 provinca. Mori jetën e gati 23 mijë qytetarëve në Turqi e Siri.
Siç ka thënë Orhan Tatar, shef i përgjithshëm i Agjencisë për menaxhim të rrezikut nga tërmetet, çarja është e gjatë në një distancë prej 400 kilometrash.
Toka ka pësuar deformime prej 3-4 metrash ndërsa thellësia e çarjes arrin deri në 10 kilometra.
Sipas tij, ky ka qenë ndër tërmetet më të fuqishme që kanë goditur ndonjëherë Turqinë e që për epiqendër kanë pasur tokën dhe jo detin.
360grade.al
