Një i mbijetuar ka përshkruar se si i shpëtoi agresorit të armatosur që hapi zjarr brenda një rrugice bowling në Maine duke vrapuar pareshtur dhe duke u fshehur pas një gardhi – pasi të paktën 22 njerëz vdiqën dhe 60 u plagosën në të shtënat masive në qytetin Lewiston.
Agresori, për të cilin policia beson se më parë ka qenë instruktori i armëve të zjarrit të ushtrisë, Robert Card, përdori një pushkë të stilit AR 15 për të hapur zjarr brenda një rrugice – ku fëmijët po luanin në një kampionat bowling për fëmijë – dhe më pas në një lokal.
Qyteti është rrethuar totalisht pasi policia po kërkon Card, 40 vjeç, për të cilin thuhet se është me probleme të shëndetit mendor.
Një prej lojtarëve, tha se dëgjoi 10 të shtëna para se të vraponte në rrugicë zbathur dhe të ngjitej brenda makinerisë së bowlingut për t’u fshehur nga personi i armatosur.
Duke përshkruar momentin kur sulmuesi hapi zjarr, Brandon tha: “Ishim brenda, thjesht një natë normale bowling. Ai sapo hyri krijoi një zhurmë të madhe me të shtëna.
“Mendova se ishte një tullumbace. Dhe sapo u ktheva dhe pashë që nuk ishte një tullumbace, ai mbante një armë, thjesht vrapova me sa të kisha fuqi”.
Brandon, i cili qëndroi në majë të makinerive për rreth dhjetë minuta derisa erdhën policët, tha se personi i armatosur që është ende i lirë ishte rreth 15 metra pas tij. “Ai ishte afër, shumë afër”, shtoi ai.
“Unë isha duke veshur këpucët e mia të bowlingut kur filloi. Kam pesë orë që jam zbathur.’
Dëshmitarët kanë treguar se kishte fëmijë që merrnin pjesë në një ligë bowlinguvpër fëmijë në “Sparetime Recreation”, kur u sulmuan. Të paktën shtatë persona u vranë në të shtënat e para.
Ndërkohë Jason J. Levesque tha për CNN se viktimat më të reja ishin adoleshentë, duke shtuar se specialistët e traumës ishin në vendngjarje.
Imazhet rrëqethëse të kamerave të sigurisë tregojnë Card, nga Bowdoin, Maine, duke drejtuar pushkën e tij teksa po hynte në vendin e bowlingut, ndërsa pamjet dramatike tregojnë njerëz të tmerruar që vrapojnë për të shpëtuar jetët e tyre.
360grade.al
