Komiteti Teknik i Ekspertëve ka miratuar sot futjen e testeve të shpejta në vendin tonë, të cilat do mund të kryhen pranë qendrave shëndetësore dhe spitaleve rajonale.
Lajmi u bë i ditur nga shefja e epidemiologjisë në Institutin e Shëndetit Publik, Silva Bino.
“Sot u aprovua udhëzimi për futjen e testeve të shpejta. Futja e tyre ul kohen e pritjes së qytetarëve dhe maskimumi i kryerjes së tyre shkon deri në 40 minuta.
Testet do të kryhen pranë qendrave shëndetësore, në spitalet rajonale. Ato janë 100% specifike, se tregon nëse del pozitiv është pozitiv.
“Por kanë edhe ndjeshmëri më të ulët, ku mund të kemi false negativ. Nëse kemi test negativ por kemi shenja klinike, duhet të konfirmohet përmes PCR. Ose nëse është asimptomaitik por ka kontakte me persona pozitive, duhet konfirmuar sërish me PCR” tha Bino./Opinion.al
