Britania e Madhe dhe Rusia janë përfshirë nga një ngërç diplomatik kohët e fundit, që pas helmimit të ish-spiunit rus Sergei Skripal dhe vajzës së tij, Yulia, në Salisbury, nga një agjent nervor i prodhimit rus.
Ngjarja që u dënua si tentativë vrasjeje, përgjegjëse për të cilën “Downing Street” bën Kremlinin, ndërsa Sekretari i Jashtëm Boris Johnson akuzoi drejtpërdrejt Putinin si personin që ka dhënë urdhrin, shkaktoi një sërë masash ndëshkuese, mes të cilave edhe ndërprerja e takimeve dypalëshe diplomatike dhe dëbimi i 23 diplomatëve rusë nga Britania dhe po kaq britanikëve nga Rusia.
Por, çfarë do të sillte një “përplasje” e mundshme ushtarake mes Britanisë dhe Rusisë? Cila është forca e tyre reale dhe a ka gjasa Mbretëria ishullore t’i bëjë ballë një superfuqie si Rusia?
Kreu i ushtrisë britanike ka paralajmëruar se Britania e Madhe mund të dështojë përballë Rusisë, nëse nuk do të ketë më shumë buxhet, edhe pse ushtria e ishullit është shumë herë më e vogël në numër.
Le të shohim një krahasim të fuqive të tyre ushtarake.
360grade.al
