Kryekomisioneri Shtetërtor i Zgjedhjeve Ilirjan Celibashi është pyetur gjatë një dalje për mediat, ditën e sotme në lidhje me vendimin e ekspertëve për karantinim 2 javë të qytetarëve që vijnë nga Greqia dhe Maqedonia e Veriut dhe a do të ndikonte kjo në procesin e votimit.
Gjatë fjalës së tij Celibashi është shprehur se nuk ka asnjë koment lidhur me vendimin e Komitetit të Ekspertëve. Por sipas tij asnjë prej komisionerëve nuk është mjek, kush shkon në qendrën e votimit do të votojë.
“Nuk kam asnjë koment që t’i bëjë vendimit të Komitetit Teknik i Ekspertëve. Si komisioner e kam të ndaluar ta komentoj këtë. Ligjërisht dua ta kuptoj që lidhet me shëndetin e qytetarëve. Mund të them që anëtarët e KQV nuk janë doktorë që të bëjnë vlerësimin shëndetësor, kush paraqitet në qendrën e votimit do të votojë”, i cili nënvizoi se në asnjë prej spitaleve nuk është ngritur qendër votimi. Nuk duam të vëmë në rrezik njerëzit e përfshirë.
