Detaje të reja janë zbuluar nga ngjarja e rëndë që ndodhi në Tiranë, ku si pasojë e një konflikti mes fqinjëve, një person ka humbur jetën.
Gazetarja Dorjana Bezat raporton për Top Channel se viktima Nikolin Staka 56-vjeç, me profesion mësues, i lindur në Laç dhe banues prej një muaji në Tiranë, ka jetuar më parë në Belgjikë.
Efektivë të komisariatit nr.2 në Tiranë thanë se Alban Mneri u grind për vendin e parkimit me dy gra nuk i lejoi të parkojnë. Skenë e cila është parë nga Staka, nga ballkoni i katit të dytë të banesës ku jetonte, dhe i ka thënë autorit: cfarë ke, pse merresh me gra.
Autori, i cili sipas dëshmive, grindej shpesh në lagje pasi pretendonte vendparkinin aty i ka thënë: hajde poshtë, ta tregoj unë.
Autori i ngjarjes
Pasi Staka ka zbritur poshtë, Meneri e ka qëlluar me grushte në kokë, gjymtyrë e qafë dhe është larguar nga vendi i ngjarjes, ndërsa 56-vjeçari dyshohet se ka gjetur vdekjen brenda në banesën e tij nga hemorragjia.
Konflikti ka ndodhur më datë 30, por trupi i pajetë u gjet në banesë më datë 31. Policia ka deklaruar që Meneri është problematik dhe ka pasur edhe raste të tjera kur është përfshirë në konflikte të dhunshme.
Top Channel
