Home KRYESORE Donald Lu: Politikanët e majte e te djathte kanë frikë nga reforma...

Donald Lu: Politikanët e majte e te djathte kanë frikë nga reforma në drejtësi

0

Ambasadori amerikan Donald Lu deklaron se politika shqiptare dështoi sërish duke mos miratuar listën për anëtarët e KLGj-së dhe KLP-së.

Megjithatë ai thekson se shqiptarët duhet të përqëndrohen në lajmin e mirë se “Kushtetuta e kishte parashikuar këtë gjë dhe sot i përzgjodhi anëtarët në mënyrë rastësore”.

Në një reagim në Facebook, ambasadori Lu thotë se politikanët, si nga e majta ashtu edhe nga e djathta kanë frikë nga reforma në drejtësi.

“Mos u përqendroni në lajmin e keq se politikanet dështuan sërish të bashkëpunojnë në përzgjedhjen e anëtarëve të KLGJ dhe KLP. Përqendrohuni në lajmin e mirë se Kushtetuta e kishte parashikuar këtë gjë dhe sot i përzgjodhi anëtarët në mënyrë rastësore. Unë kam më shumë besim në një përzgjedhje të rastit sesa ne përzgjedhjen nga politikanët. Reforma në drejtësi ka hedhur në hap përpara”, thotë Lu.

Reagimi i Lu erdhi pasi Kuvendi miratoi listën finale për Këshillin e Lartë të Gjyqësorit dhe Këshillin e Lartë të Prokurorisë.

Votimi për KLGJ-në mori 72 vota pro, një kundër dhe një abstenim.

Ndërsa votimi për KLP-në mori 71 vota, dy kundër dhe një abstenim.

Ky ishte raundi i tretë dhe i fundit për përzgjedhjen e anëtarëve jo gjyqtarë dhe jo prokurorë për në KLP dhe KLGJ.

Opozita kundërshtoi listën e kandidatëve për të dy këshillat, duke sjellë në vëmendje qëndrimet e mbajtura për secilin prej tyre nga Operacioni Ndërkombëtar i Monitorimit.

Lista e anëtarëve të KLGJ e KLP

Këshilli i Lartë Gjyqësor

Fatmira Luli

Alban Toro

Maksim Qoku

Erion Muharremaj

Naurela Llagami

Këshilli i Lartë i Prokurorisë

Tartar Bazaj

Nurihan Seiti(Metaj)

Gent Ibrahimi

Sandër Beci

Alfred Balla

Share:
Reklama juaj