Home KRYESORE “Veprova nga gjaknxehtësia”/ Zbardhet dëshmia e Habib Rexhës, vrau Arian Gosën për...

“Veprova nga gjaknxehtësia”/ Zbardhet dëshmia e Habib Rexhës, vrau Arian Gosën për të marrë hakun e vëllait

Pasi është dorëzuar në policinë e Kavajës, Habib Rexha ka deklaruar se vrasjen e Arjan Gosës nuk e kishte planifikuar, por e ka kryer atë në gjaknxehtësi e sipër.

Sipas dëshmisë së dhënë në polici, ai ka qenë me një shokun e tij kur ka parë Arjanin të ulur në lokal.

31-vjeçari ka deklaruar se pasi e ka parë shënjestrën, është zhvendosur me makinë rreth 200 metra më tutje, ku ka lënë mjetin dhe është kthyer në këmbë bashkë me armën që e mbante në makinë.

Veprova nga gjaknxehtësia. E qëllova dhe pastaj u largova në drejtim të Durrësit për të shkuar në Kukës”,- mësohet të ketë deklaruar në polici dhe në prani të prokurorit të çështjes Habib Rexha i cili akuzohet për vrasjen e Arjan Gosës të dielën në një lokal përbri shkollës 9-vjeçare “Rilindja” në Kavajë.

Habib Rexha, 31 vjeç, u vetëdorëzua, pas negociatave të vazhdueshme të policisë, gjatë dy ditëve të fundit me familjen e tij, por edhe në pamundësi për t’u larguar nga vendi.

31-vjeçari që ekzekutoi për hakmarrje me një plumb në kokë Arjan Gosën do të përballet me drejtësinë për krimin e kryer pasditen e vonë të së dielës në Kavajë. Viktima u vra ndërsa ndodhej në lokal së bashku me babain e tij të moshuar, dëshmia e të cilit është pjesë e dosjes hetimore për ngjarjen.

Babë e bir qenë ulur shkujdesur në pjesën e jashtme të lokalit dhe po ndiqnin një ndeshje futbolli. Të dy kanë qenë me kurriz nga rruga, ndaj nuk e kanë parë autorin kur ka hyrë në lokal.

“Ishim duke parë ndeshjen. Dëgjova vetëm një krismë dhe e pashë djalin që ra në tokë dhe dikë që iku me vrap.” Kaq ka mundur të dëshmojë, 78-vjeçari Osman Gosa i cili në më pak se dy muaj humbi dy djemtë e tij, Edmondin 43 vjeç dhe Arjanin 47.

I tronditur nga gjithçka përjetoi në moshë të thyer, Osman Gosa nuk e kishte menduar se do të humbiste dhe djalin tjetër si pasojë e krimit në të cilin u përfshi i biri Edmondi dhe që i mori jetën. Vëllai i Habibit, Altin Rexha u qëllua nga Edmond Gosa në prani të djalit të mitur, teksa po kthehej në shtëpi me të.

Meqë të dyja palët e përfshira në konfliktin e 29 marsit, Edmond Gosa dhe Altin Rexha vranë njëri-tjetrin, familja Gosa nga Kavaja nuk e kishte dyshuar hakmarrjen, që nuk vonoi. Pas dorëzimit, Habib Rexha pritet të dalë para gjykatës për caktimin e masës së sigurimit personal.

Top Channel

Share: