Sheshi

Sheshi

0

Nga Ndue Ukaj

Sheshi është rrëfim i pakryer
Që atëherë kur dogj Troja
Dhe filloi rrëfimi për të.
Natë e ditë kur Helena bënte dashuri
E Odiseu kërkonte rrugën kah Itaka.

Sheshi është rrëfim i pakryer
Që atëherë kur Diogjeni
N’ mes turmës kërkonte njeri.

Sheshi është rrëfim i pakryer
Që atëherë kur turma shtroi lule
Për Krishtin që hyri triumfalisht n’ Jerusalem
Dhe e njëjta t’ nesërmen e kryqëzoi.

Sheshi është rrëfim i pakryer
Që atëherë kur turma rrëzoi shtatore prej bronzi
Dhe ndërtoi piramidë fjalësh
Për njeriun e ri.

Sheshi është rrëfim i pakryer dje
Rrëfim i pakryer sot
Rrëfim i pakryer nesër.

(Ndue Ukaj, ©)

Share:
Reklama juaj

NO COMMENTS

LEAVE A REPLY