Kryeministri Edi Rama ka folur sot për herë të parë pas largimit të ish-kryebashkiakut Elvis Rroshit.
I pyetur nga gazetarët për largimin e Rroshit dhe nëse i erdhi keq për të, Rama nuk ka nguruar të japë një përgjigje duke folur për “virgjëreshat dhe shkallën e virgjërisë”.
“Në vitin 2013 në Shqipëri i vetmi dokument zyrtar për të provuar pastërtinë e një personi është dëshmia e penalitetit. Pa i hyrë shkallës së virgjërisë së tyre, shpreh vetëm përçmimin tim më të madh për virgjëreshat që bëjnë moral ndërkohë që ligjin e kemi votuar para.
Unë nuk mendoj se është e ndershme, etike që të sulmosh njerëz ndërkohë që njerëzit duket të vendosen para ligjit.
Sipas PD-së 90 % e PS-së janë kriminelë, dhe kjo është një shkelje t’i quash kriminel të cilët mund të jenë dënuar në cilindo vend kur tjetri ka bërë një dënim dhe e ka paguar. Kur vjen puna te raporti me politikën flasim për një tjetër ligj se shumë e kanë parë të arsyeshme lidhur me kandidueshmërinë. Kush nuk është i kandidueshëm nuk duhet të kandidojë”,-tha Rama.
