Zbardhen pasuritë e 10 ministreve dhe ish-ministreve të qeverisë Rama. Open Data Albania ka bërë publike deklaratat e pasurive për vitin 2016 të Mimi Kodhelit, Lindita Nikollit, Milena Haritos, Ermonela Felaj, Mirela Kumbaros, Klajda Gjosha, Milva Ekonomi, Eglantina Gjermeni, Ogerta Manastirliu dhe Olta Xhaçka.
Nga ajo që vihet re nga këto deklarata shumica e ministreve dhe ish-ministreve kanë si burim pasurie pagesat e bonuset nga puna e tyre apo e bashkëshortëve.
Ministrja e Shtetit për Inovacionin dhe Administratën Publike, Milena Harito del të jetë një nga gratë më të pasura të kabinetit Rama. Zonja Harito veç të ardhurave të saj nga puna ka edhe të ardhura të mëdha nga pronat që ka në Francë të cilat i jep me qira.
Po kështu të ardhura nga qiradhënia nga pronat, por këtë herë në Shqipëri, përfiton edhe Ministrja e Kulturës, Mirela Kumbaro, e cila ka dhënë disa apartamente me qira. Edhe ish-ministrja e Shëndetësisë Ogerta Manastirliu ka të ardhura nga një objekt që e jep me qira.
Shumica e ministreve dhe ish-ministreve kanë disa llogari bankare, përveç ish-ministres së Mirëqenies Sociale dhe Punësimit, Olta Xhaçka që veç pagës nuk ka të ardhura të tjera.
Në kuadër të projektit tonë Para, Qeverisje dhe Politikë (Money, Government and Politics), në portalin Spending Data Albania janë vendosur të dhëna të mirë strukturuara që përkojnë me deklarimin vjetor të pasurisë së Zyrtarëve të Nivelit të lartë në vitin e fundit të raportimit 2016.
Konkretisht më poshtë janë deklarime vjetore të pasurisë së Zonjave Ministre në Kabinetin Rama si më poshtë:
2. Mimi Kodheli
10. Olta Xhacka
Përmes deklarimit të pasurisë në një vit kalendarik zbardhen edhe të dhëna mbi lidhje dhe interesa ekonomike të funksionarëve të lartë dhe të afërmve të tyre sikurse profile dhe poste profesionale të personave të certifikatës së familjes. Të tjera deklarime ju i gjeni në rubrikën Para dhe Pushtet. Ky projekt realizohet nga organizata AIS promotore e Open Data Albania.
