Teksa pritet të diskutohet në Këshillin e Mandateve dhe Rregullores kërkesa e prokurorisë për heqjen e imunitetit të deputetit Saimir Tahiri, siç duket të shumtë janë ata që shqetësohen për ‘fatin’ e ish-ministrit.
Nga raportimet e gazetarit i ‘News24’ Klajdi Bodlli, i cili qëndroi për më shumë se 2 orë jashtë banesës së Tahirit, tek Kodrat e Diellit, theksoi se të shumtë ishin qytetarët që qëndronin jashtë për të parë se ç’po ndodhte.
Po ashtu, mësohet se në shtëpinë e ish-ministrit ishte edhe presidenti i Partizanit, Gaz Demi. ‘BalkanWeb’ mëson se Demi ka qëndruar për rreth 30 minuta në shtëpinë e Tahiri, ndërsa ka dalë pak para se ish-ministri të largohej me makinën e tij.
