Home KRYESORE Kryemadhi për Ramen: Nuk është turp të heqësh këpucët apo të brendshmet,...

Kryemadhi për Ramen: Nuk është turp të heqësh këpucët apo të brendshmet, siç ka bërë ai vetë

0

Kryetarja e LSI-së Monika Kryemadhi ka përdorur një gjuhë të ashpër teksa pak minuta më parë, përmes një statusi në FB ka denoncuar heqjen nga puna të punonjësave të LSI, duke e cilësuar arrogante dhe injorante gjuhën e përdorur nga Edi Rama.

“Me gjuhën e arrogantit injorant, me guximin e stimuluar nga përdorimi i substancave narkotike, Edi Rama edhe njëherë i ka gjetur fajtorët e keqqeverisjes së tij te LSI.

Nga Mirdita, ku as brohorimat e teknikës qendrore të kryeministrisë nuk e mbytën dot zhurmën e shpërthimit të tritolit në Shkodër, kryeministri i pushteteve të përkohshme, shpalli si fitore të madhe largimin nga puna të mbështetësve të LSI-së, me shpresën se do të frikësojë familjen tonë politike me shantazhe që zakonisht i përdor me oborrtarët e tij të pushtetit”, shkruan Kryemadhi.

Në postimin e saj, kryetarja e LSI nuk ka harruar të përmendë as këpucën, që tashmë për Ramën është një paranojë, sipas saj.

“Me fjalorin e varfër dhe me paranojën e “këpucës”, Edi Rama shfaqet ashtu siç është në të vërtetë, i frikësuar jo nga këpucët që për fatin e tij nuk morën trajektoren e duhur, por nga mijëra e mijëra këpucë a çizme që i qëndrojnë sipër kokës varur atij dhe ministrave të tij.

Sepse nuk është turp të të etiketojnë si “parti e këpucëve”, as të heqësh këpucët apo të brendshmet siç ka bërë ai vetë.

Turp është të kanabizosh vendin që pretendon se drejton, të orientosh rininë drejt drogës dhe trafikut, të vjedhësh e të grabisësh çdo pasuri të Shqipërisë.

Këto veshin me turpin më të madh të mundshëm çdo lakuriqësi, jo vetëm fizike por dhe politike”, përfundon statusin e saj Monika Kryemadhi./opinion.al

Share:
Reklama juaj