Anëtarët e këshillit bashkiak të Kukësit, i kanë kërkuar kryeministrit Rama me anë të një deklarate për mediat të bërë publike pasdite, që të lirojë personat e arrestuar sipas tyre si edhe njëkohësisht të ndalojë arrestimet e reja dhe të largojë Forcat e Ndërhyrjes së Shpejtë nga Kukësi.
Në deklaratën e tyre Këshilli Bashkiak i Kukësit thotë se distancohet nga çdo akt dhune, ndërsa nuk pranojnë asnjë negocim për tarifën e taksës.
Sipas këtij këshilli nuk do të ketë asnjë negocim nëse nuk do të kryhet lirimi i 23 personave të arrestuar.
