Raèportohet qe dy inspektorë të Hetimit Tatimor janë arrestuar mbrëmë nga policia pasi janë vëzhguar për tre muaj nga Krimi Ekonomik. Ka rezultuar se Gentian Elezi dhe Artan Kroj u merrnin nga 2 milionë lekë subjekteve që kishin në kontroll. Dje keto arrestime i denoncoi edhe PD duke akuzuar policine qe e fshihte kete lajm meqe njeri prej tyre eshte funksionar i Partise Socialiste.
Njoftimi i policisë
Nga strukturat e Hetimit të Krimit Ekonomik e Financiar në DVP Durrës, në bashkëpunim me Prokurorinë e Rrethit Gjyqësor Durrës, pas një hetimi proaktiv 3 mujor për veprat penale ”Korrupsion pasiv personave që ushtrojnë funksione puplike”, “Korrupsion aktiv i personave që ushtojnë funksione publike” dhe “Shpërdorim të detyrës”, u arrestuan në flagrancë shtetasit:
• Gentian Elezi, 29 vjeç, banues në Tiranë;
• Artan Kroj 37 vjeç,banues në Tiranë.
Gjithashtu është shpallur në kërkim dhe po punohet për kapjen e shtetasit P.H. 43 vjeç.
Tre personat ishin me detyrë Inspektor të Hetimit Tatimor në Drejtorinë Rajonale të Tatim Taksave Tiranë.
Masa e arrestit është caktuar nga Gjykata e Shkallës së Parë Durrës.
Të lart-përmendurit në bashkëpunim me njëri-tjetrin duke shpërdoruar detyrën kërkonin dhe ju merrnin ryshfet bizneseve gjatë inspektimit të tyre, shuma në vlera monetare që shkonin deri në 200 000 lek (të reja) për çdo rast.
