Ministrja për Evropën dhe Punët e Jashtme Olta Xhaçka, ka vijuar replikat në distancë me zyrtarët grekë në lidhje me çështjen “Beleri”.
Me anë të një postimi në “X”, Xhaçka është shprehur se , s’ka vullnet politik që e nxjerr zotin Beleri nga burgu apo që fut noter në burg që ai të bëj betimin si kryebashkiak.
Ajo është shprehur se homologët grekë duhet ta vlerësojnë sitatën bazuar në ligjin shqiptar dhe jo atë grek .
Reagimi i Ministres Xhaçka:
“Nuk ka mundësi që miqtë & fqinjët tanë grek të jenë të vetmit që kanë të drejtë,kur këmbëngulin në një kërkesë të rrëzuar nga gjykatat shqiptare dhe të qartë për miqtë e partnerët e tjerë, të cilët thonë se kjo është një çështje e drejtësisë shqiptare! https://t.ly/8N8Qo
Organet e reja të drejtësisë shqiptare kanë folur qartë me vendimet e tyre dhe qeveria shqiptare ka folur qartë po ashtu:Çështja e betimit të kryebashkiakut të ndaluar nga drejtësia është një çështje e drejtësisë. Jo e qeverisë shqiptare. As e qeverisë greke.
Homologut tim grek për të cilin kam shumë respekt, i kam thënë se për këtë çështje nuk duhet të niset nga ligji grek por nga ligji shqiptar.
Dhe sipas ligjit shqiptar, s’ka vullnet politik që e nxjerr zotin Beleri nga burgu apo që fut noter në burg që ai të bëj betimin si kryebashkiak.
Me keqardhje po kjo është kështu dhe vetëm kështu.”
Top Channel
