Hollywood së fundmi po përballet me skandale të shumta seksuale. Një tjetër emër është akuzuar për ngacmim seksual dhe bëhet fjalë për producentin e njohur Steven Segal. Ai është akuzuar nga aktorja Portia de Rossi, e cila me anë të një postimi në “Twitter” ka treguar ngacmimet e tij.
Portia, bashkëshortja e prezantueses Ellen De Generes rrëfen se gjatë një takimi në zyrën e aktorit, Seagal i kishte thënë se sa e rëndësishme ishte afeksioni jashtë ekranit, duke bere më pas gjeste perverse.
Megjithatë aktorja nuk e specifikoi se për audicionet e cilit film bëhet fjalë, apo kohën kur ka ndodhur incidenti.
Por, menaxheri i 65-vjeçarit ka thënë para mediave se aktori nuk ka asnjë koment lidhur me pretendimet e aktores.
Edhe disa yje të njohura të Hollovudit e kanë akuzuar Seagal për sjellje të papërshtatshme dhe shantazh seksual.
Akuzat ndaj aktorit i cili mori shtetësinë ruse nga presidenti Vladimir Putin në vitin 2016, vijnë pas një skandali seksual që ka tronditur Hollivudin kohët e fundit, ku mes emrave është edhe producenti i famshëm Harvey Ëeinstein.
Ndërsa kompania Netflix njoftoi se po i jep fund serialit televiziv “House of Cards” me aktorin Kevin Spacey, pas akuzave për ngacmime seksuale, largim ky që duket se i dha goditjen e fundit karrierës së aktorit, njëherësh fitues i çmimit Oscar./Lapsi.al
