Prokuroria ka thirrur sot Arben Ristanin për të dëshmuar rreth një hetimi të hapur në nëntor 2017 për paratë që ka përdorur PD për të lobuar në SHBA. Prokurori i kësaj çështje është Gjergji Tako.
Ristani ka dëshmuar në cilësinë e Sekretarit të Përgjithshëm të Partisë Demokratike për këto kontrata. “Shkova në Prokurori pas urdhrit të Taulant Ballës. Dëshmova mbi pagesat e PD për lobim. Prokurorët morën indicie nga kontratat e publikuara në SHBA. PD nuk ka asgjë për të fshehur, ka zbatuar me përpikëri kontratat” – deklaroi Ristani pasi doli nga ambientet e Prokuorisë së Tiranës.
