Nga Mithat Havari
Filluan dhe deklaratat politike të fillim vitit , akuza e kundër akuza midis opozitës dhe maxhorancës .Ajo që mÄ“ bëri përshtypje ishte deklarata e ministrit Tahiri .Ai tha :”Nuk është faji i policisë se një individ që nuk gjen dot grua , ngrihet e vret dy njerëz , nuk është faji i policisë se për një plep ngrihet dikush e vret personin që pret plepin “. Në parim nuk jam kundër , por si drejtues policie që kam qenë , jam në gjëndje te evidentoj përgjegjesinë e policisë në të dy rastet .
Në veri , inspektori i zonës duhet të njihte konfliktin mes palëve dhe më kryesorja të kontrollonte për armë mbajtje pa leje të vrasësit , duke njohur fare mirë personalitetin e tij negativ .E dyta në Lushnjë , inspektori i zonës duhej të dinte se shtetasi që shëtiste me armë nëpër fshat përbënte rrezik , pra në të dy rastet bie përgjegjësia mbi policinë lokale pse jo dhe mbi drejtorinë përkatëse apo komisariatin .
Më kryesorja i kujtoj këtij djali energjik , së kur ishte në opozitë , sulmonte pa mëshirë policinë e Shtetit , duke e etiketuar si “policia e krimit” që është e lidhur me falangat e tij , polici politike që drejtohet nga Sali Berisha etj etj …!. Sot e merr nën mbrojtje këtë polici aq ekstremisht , sa dhe kur ka përgjegjësi , ja shkarkon atë dmth e ç’fajëson .
Në arsyetimin tim them se , është po ajo strukturë pilicore të paktën 90 % , se 10 % janë larguar kryesisht titullarët që ka qënë në kohën kur e akuzonte .At’here lind pyetja .Ky djalë po drejton sot një polici të inkriminuar , të lidhur me botën e krimit ?.Sigurisht jo , policia e shtetit në tërësi punon me përkushtim e dinjitet për të siguruar rendin publik për qytetarët dhe vet shtetin .
Ndaj politikanët duhet të kenë shumë kujdes kur hedhin baltë mbi uniformat blu , pavarsisht ngjyrave politike blu apo rozë .Respekt të thellë për të gjithë uniformat blu , për detyrën e vështirë që kryejnë anë e kënd vëndit , duke ju uruar suksese , shëndet e jetë në familjet e tyre , kurse politikanëve kujdes me “fjalën” ,.ajo vret më shumë se plumbi !.Mit’hat Havari
