“Panorama” zbardh detajet më të fundit të prishjesh se marrëveshjes mes opozitës dhe mazhorancës për t’i dhënë fund krizës politike.
Nga ana tjetër, kryeministri Rama ka pranuar edhe ai gjithashtu paketën, që të lëshojë disa ministri me aprovimin e opozitës.
Mirëpo, pika e nxehtë mbetet data e zgjedhjeve. Ndryshe nga paketa e parë, Rama tashmë nuk e negocion datën e zgjedhjeve.
Ai ngul këmbë që zgjedhjet do të zhvillohen më 18 qershor. Por kreu i PD-së, i cili ka hequr dorë nga qeveria teknike pa Ramën, kërkon shtyrjen e tyre deri në implementimin e plotë të numërimit elektronik dhe identifikimit biometrik të votuesve.
Sot në mbrëmje, kreu i PD-së njoftoi aleatët e tij se Rama nuk e negocion datën e zgjedhjeve dhe se negociatat dështojnë.
Pas zërave që erdhën nga selia e PD-së, pas takimit që lideri opozitar, Lulzim Basha ku informoi se kryeministri Edi Rama ka refuzuar me çdo kusht shtyrjen e datës së zgjedhjeve pas 18 qershorit, vjen dhe reagimi nga maxhoranca.
Burime nga maxhoranca bëjnë me dije për ‘BalkanWeb’ se data 18 qershor është kushtetuese dhe për këtë fakt sipas tyre nuk do të ketë shtyrje të zgjedhjeve.
Ndërkohë, burime nga PD bënë me dije për “BalkanWeb” se opozita ka rënë dakord për vettingun dhe ka dhënë ‘Ok’ për paketën McAllister. Kjo paketë kishte afatet kushtetuese ku parashikonte që zgjedhjet mund të mbaheshin deri në fund të korrikut.
ÇFARË PARASHIKON PAKETA MCALLISTER
1. Procesi zgjedhor të shtyhet për në datën 16 korrik.
2. Zëvendësimi i katër ministrave kyç të qeverisë, me persona teknikë të propozuar nga Kryeministri dhe të aprovuar nga opozita.
3. Paketë për zgjedhjen me konsensus të Presidentit të Republikës dhe Avokatit të Popullit.
4. Kalimi i kreut të KQZsë tek opozita, por shumicën në institucion do të vazhdojë ta mbajë maxhoranca.
5. Dakordësimi për një tryezë të rrumbullakët të OSBE-së, pjesëmarrje të OJQve në të gjithë këtë proces.
