Parlamenti pritet të mblidhet nesër në një seancë të jashtëzakonshme për të bërë zëvendësuar deputeten demokrate Jorida Tabaku, si anëtare e komisionit Ad Hoc për Vettingun.
Shkak për zëvendësimin e deputetes së PD-së është fakti se ajo ka lindur ditën e djeshme dy vajzat e saj binjake, dhe e ka të pamundur të marrë pjesë në mbledhjet e Komisionit Ad-Hoc.
Kjo është hera e parë në 27 vite të Parlamentit shqiptar që zhvillohet një seancë e jashtëzakonshme për këtë shkak.
Vendimi u mor në mbledhjen e komisionit Ad Hoc, ku pritej të zgjidheshin kandidatët për njërin ndër komisionet e vettingut.
“Nesër në një sesion të jashtëzakonshëm të Parlamentit do të mbledhim firmat për zëvendësimin e Tabakut. Parlamenti të zëvendësojë Jorida Tabakun”, tha Majko gjatë mbledhjes.
Ditën e djeshme po i njëjti komision Ad Hoc zgjodhi 7 anëtarët e komisionit të apelimit, edhe ky një organ i rëndësishëm i Vettingut.
