Vetëm 7 muaj më parë ajo deklaroi tek emisioni ‘Xing me Ermalin’ se: “Zoti është treguar shumë i mirë me mua…”.
Elvana asnjëherë nuk ka guxuar të përmendte emrin apo ta shfaqte atë publikisht.
Ajo u tregua hermetike dhe nuk lejoi asnjëherë të bëhet publik prej më shumë se dy vjetësh emri i të fejuarit të saj Ervin Matës. Ndoshta besonte vërtet ashtu siç pati deklaraur, se “po e përmende prishet gjithçka”.
Por mesa duket Elvana nuk mundi ta mbante më gjatë të fshehtë lidhjen e saj me Ervin Matën. Ngjarja e rëndë me një të vrarë dhe dy të plagosur e ndodhur dje në mes të Bllokut pati protagoniste Elvana Gjatën.
Viktimë e ngjarjes së djeshme është Fabian Gaxha, ndërsa i plagosur ka mbetur Ervis Martini, biznesmen i njohur i pikave të basteve si edhe Eljon Hate, të cilët kanë qenë së bashku në lokal.
Sipas të dhënave të policisë këngëtarja e njohur Elvana Gjata është bërë shkak për përleshjen e dy grupeve në zonën e ish-blloku mbrëmjen e djeshme.
Elvana Gjata u thirr për të dëshmuar ditën e sotme në polici, ku qëndroi për rreth më shumë se 20 minuta dhe sipas mediave u raportua që ishte në gjendje të rënduar psikologjike.
Pas kësaj ngjarje i gjithë rrjeti duke se është zhvendosur në profilin e saj të instagramit, ku kanë shpërthyer dhjetëra komente ofenduese në lidhje me vrasjen e mbrëmshme.
Në komente Elvanën e fajësojnë për ndarjen nga “njeriu me kulture dhe të gjitha të mirat, Flori” dhe po ashtu e gjykojnë si materialiste.
Elvana Gjata është një nga këngëtaret më të suksesshme dhe që po tentonte daljen e saj jashtë tregut shqiptarë, por si do të ndikojë kjo ngjarje në karrierën e saj dhe suksesin në muzikë kjo mebtet ta shohim me kohën./G.Z-opinion.al
