Kalimi në Rrugën e Kombit do të bëhet pa pagesë deri në përfundim të situatës emergjente në Shqipëri.
Kompania që menaxhon “Rrugën e Kombit”, Albanian Highway Concession, ka vendosur që dje të solidarizohet me te gjithë të mbijetuarit e tërmetit me pasoja tragjike.
Prej ditës së djeshme, Kosova ka qenë në gatishmëri të menjëhershme për të ndihmuar shtetin shqiptar në përballimin e situatës emergjente.
Përveç forcave të specializuara të Ushtrisë së Kosovës, ndihma të ndryshme janë dhënë nga të gjitha qytetet e Kosovës që kanë organizuar fushata solidarizimi me të prekurit nga tërmeti.
Për këtë arsye, Albanian Highway Concession ka vendosur të lejojë kalimin pa pagesë të gjitha makinave; individëve, shoqatave, institucioneve nga Kosova drejt Shqipërisë dhe anasjelltas. /Opinion.al
