Revista satirike franceze “Charlie Hebdo” publikoi faqen e parë të numrit që pritet të dalë këtë të mërkurë dhe që i kushtohet Presidentit të Turqisë, Rexhep Taip Erdogan
Numri i ri titullohet: “Erdogan, në jetën private, është shumë qesharak”.
“Charlie Hebdo” e ka shoqëruar atë me një karikaturë të presidentit turk e cila ka nota të forta satirikie pasi jep një imazh krejt ndryshe nga ai që jemi mësuar të shohim.
Shkak është bërë përplasja e fortë që Erdogan ka pasur me Presidentin francez Emanuel Makron pasi ky i fundit mbështeti publikimin e karikaturave të profetit Muhamed.
Erdogan e ka quajtur Makronin në gjendje jo të mirë mendore dhe u bëri thirrje vendeve myslimane që të mos blejnë produkte franceze./ Opinion.al
