Home KRYESORE Plotfuqishmëria për negociatat me Greqinë, Meta takon Topin pas Nishanit

Plotfuqishmëria për negociatat me Greqinë, Meta takon Topin pas Nishanit

0

Presidenti Ilir Meta po zhvillon një takim në Presidencë me ish-Presidentin Bamir Topi, në kuadër të konsultave të nisura për negociatat me Greqinë. Takimi ka nisur rreth orës 18:10 të pasdites së sotme.

Më herët në mëngjes, Meta priti për konsulta ish-presidentin Bujar Nishani.

Kërkesa nga Ministria e Jashtme, e cila kërkon plotfuqishmërinë nga Meta për nisjen e bisedimeve teknike me Greqinë ka mbërritur në Presidencë mbrëmjen e djeshme (13 shkurt 2018).

Pritet që Kreu i Shtetit të konsultohet edhe me ish- Presidentët e tjerë këto 2 ditë.

Bisedimet teknike do të zhvillohen për çështjen e kufirit detar mes të dy vendeve, mbi shfuqizimin e ligjit të luftës si dhe mbi tema të tjera mes të dy vendeve.

Çështja e detit është dhe pika më e nxehtë mes të dy vende. Ka qenë ministri i Jashtëm i Greqisë, Nikos Kotsias i cili ka zbardhur një nga pikat për të cilën është gjetur marrëveshja në parim duke theksuar distancën 12 milje detare. Një pikë e tillë ka sjellë dhe reagime në Shqipëri duke u konsideruar jo në pak raste dhe shitje e detit. Teksa presidenti Ilir Meta në reagime të tij ka nënvizuar se do të shqyrtojë me kujdes çështjen dhe do të ndjekë bisedimet./opinion.al

Share: