Sipas ekspertesh te ndryshem te sigurise viti 2015 që u mbyll me sulme të përgjakshme dhe masive terroriste, mund të jetë thjesht një para lajmetim i asaj që terroristët përgatisin për 2016-ën ne Europe.
“Po i afrohemi një 11 shtatori europian, sulme të njëpasnjëshme në të njëjtën ditë, në shtete të ndryshme dhe vende të ndryshme. Diçka shumë e koordinuar”, pohoi për të përditshmen Daily Mail një zyrtar i lartë francez, punonjës në fushën kundër terrorizmit duke shtuar :Â “E dimë që terroristët po punojnë për këtë”.
Sipas tij qe ka folur ne kushtet e anonimatit për fat të keq besohet se 2015-a nuk ishte asgjë dhe sulmet e nëntorit në Paris ishin vetëm fillimi i fushatës dhe se organizata terroriste Shteti Islamik që mori përgjegjësinë e sulmeve që u morën jetën më shumë se 130 personave, rekruton, stërvit dhe dërgon sërish në vendet europianë radikalë me qëllimin për të përgatitur sulme terroriste.
Nëse më parë Shtetit Islamik i bashkoheshin shumë të rinj që nuk dinin se çfarë ishte lufta dhe që më pas ktheheshin në vendet e tyre të zhgënjyer tani situata ka ndryshuar në mënyrë drastike.
“Shohim të rinj ultraradikalë shumë të guximshëm, që janë të vendosur në rrugën që dikur zgjodhën” ka pohuar eksperti qe ka shtuar se ata kanë dokumente false, zotërojnë disa gjuhë, armë dhe kanë njohuritë e domosdoshme që i bënë të rrezikshëm.
