Zyra e Komisionit Europian në Tiranë e drejtuar nga Romana Vlahutin ka pranuar gabimet që janë bërë në ligjin e Vetingut.
Në përgjigje të interesit të TV Klan, kjo zyrë sqaron se EURALIUS ndihmon institucionet shqiptare dhe në këtë kuadër ka bërë edhe përkthimin, por sipas saj përgjegjësia i mbetet sërish autoriteteve shqiptare, pasi duhet të kishin bër verifikimet.
Prej ditësh në vend është hapur një debat mbi variantin që iu dërgua për opinion Komisionit e Venecias. Pas alarmit të PD-së se Kushtetuesja ka dërguar një ligj të përkthyer gabim, reagoi edhe kreu i Kushtetueses, Bashkim Dedja, duke pranuar se është ligji i përkthyer me gabime. Sipas tij, Kushtetuesja i është referuar variantit anglisht të EURALIUS.
Mediat shkruajnë se kjo gafë mund ti kushtojë postin Rainer Deville, Shef Misioni të EURALIUS në Tiranë./opinion.al
